ວັນອາທິດ ທີ 5 ທັນວາ 2021

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ
S! Muan

ສະໜັບສະໜູນເນື້ອຫາ

ເປັນອີກໜຶ່ງເລື່ອງລາວດີໆທີ່ໜ້າຊົມເຊີຍ ສຳລັບວົງການຖ່າຍພາບຂອງລາວເຮົາທີ່ສາມາດພາຜົນງານຂອງຕົນເອງອອກໄປສູ່ສາຍຕາຂອງຊາວໂລກໄດ້ ທີ່ດົນໆຈະໄດ້ເຫັນເທື່ອ ແລະ ໃນເທື່ອນີ້ເອງກໍຖືວ່າເປັນຄັ້ງທີ່ໂດດເດັ່ນຫຼາຍສຳລັບສາຍ Street Photography ເພາະສາມາດເຂົ້າໄປຮອດຮອບສຸດທ້າຍໄດ້. ການປະກວດພາບຖ່າຍຄັ້ງນີ້ແມ່ນ London Street Photography Festival (LSPF) ໂດຍຜົນງານຂອງ ພອນສະຫວັນ ແສງພະຈັນ ຈາກ ສປປ ລາວ ເປັນໜຶ່ງໃນຜົນງານທີ່ເຂົ້າຮອບສຸດທ້າຍໄດ້ໃນສາຂາ Single Photograph ຈາກທັງໝົດ 37 ຜົນງານຈາກທົ່ວໂລກ.

ເພື່ອເປັນການຮ່ວມສະແດງຄວາມຍິນດີກັບຄວາມສຳເລັດໃນຄັ້ງນີ້ ລວມທັງເປັນການທຳຄວາມຮູ້ຈັກກັບຊ່າງພາບລາວຄົນນີ້ໃຫ້ຫຼາຍຂຶ້ນ muan.la ຈະພາໄປຮູ້ຈັກກັບທີ່ໄປທີ່ມາກ່ອນທີ່ຈະອອກມາເປັນຜົນງານດັ່ງກ່າວ.

ຄຳຖາມ: ເຫັນວ່າການປະກວດພາບຖ່າຍທີ່ອ້າຍໄດ້ຜ່ານເຂົ້າຮອບນີ້ເປັນແບບສະຕຣີດ, ແລ້ວກ່ອນທີ່ອ້າຍຈະມາຖ່າຍພາບແນວນີ້ ກ່ອນໜ້ານີ້ແມ່ນຖ່າຍສະຕຣີດມາກ່ອນບໍ່ ຫຼື ຖ່າຍແບບອື່ນ?

ແສງພະຈັນ: "ສຳລັບການຖ່າຍພາບແນວສະຕຣີດແລ້ວ ຖືວ່າເປັນແນວໃໝ່ຂອງໂຕເອງຫຼາຍ, ກ່ອນໜ້ານີ້ງານສ່ວນໃຫຍ່ແມ່ນຈະເນັ້ນໄປທາງການຖ່າຍແບບ ພໍເທຣດ (Portrait) ແລະ ແຟຊັນ (Fashion) ຫຼາຍກວ່າ. ແລ້ວໃນໄລຍະ 2 ຫາ 3 ປີມານີ້ກໍ່ປ່ຽນມາຖ່າຍຮູບແບບ Conceptual ຫຼາຍກວ່າ. ສ່ວນແນວ ສະຕຣີດ ຖືວ່າເປັນອີກປະເພດໜຶ່ງທີ່ຕົນເອງສົນໃຈ ແລະ ໄດ້ເລີ່ມລອງສຶກສາ ແລະຖ່າຍມາເປັນໄລຍະເວລາໜຶ່ງ. ຍ້ອນວ່າມັນສາມາດປະສົມປະສານຄວາມຄິດແບບ Conceptual ໄປໄດ້ ແລະ ທີ່ສຳຄັນ ແບບນີ້ແມ່ນບໍ່ສາມາດ ຫຼື ກຳນົດ ສິ່ງທີ່ຈະຖ່າຍໄດ້, ທຸກຢ່າງທີ່ຖ່າຍຕ້ອງເປັນສີ່ງທີ່ເກີດຂຶ້ນເອງໂດຍທີ່ຄົນຖ່າຍຈະຕ້ອງບໍ່ເຂົ້າໄປດັດແປງ ແລະ ມັນຈະເກີດຂຶ້ນພຽງສ້ຽວວິນາທີເທົ່ານັ້ນ ທີ່ເອີ້ນວ່າ Decisive Moments".

 

ຄຳຖາມ: ເວົ້າກ່ຽວກັບການປະກວດໃນຄັ້ງນີ້ສູ່ຟັງແບບຫຍໍ້ໆແດ່ ວ່າອ້າຍສົ່ງເຂົ້າໄປປະກວດໄດ້ແນວໃດ?

ແສງພະຈັນ: "ສຳລັບການແຂ່ງຂັນ London Street Photography Festival ນີ້ແມ່ນເພີ່ນຈັດຂຶ້ນທຸກປີ ຕັ້ງແຕ່ປີ 2017 ເປັນຕົ້ນມາ, ເປັນການແຂ່ງຂັນຢູ່ທີ່ປະເທດອັງກິດ (United Kingdom) ໂດຍເປີດຮັບຜົນງານຈາກ ທົ່ວຢຸໂຣບ ແລະ ທົ່ວໂລກ, ປີນີ້ຍ້ອນການແຜ່ລະບາດຂອງ COVID-19 ຈຶ່ງຈັດແຂ່ງຂັນແບບອອນລາຍ.

ໃນປີນີ້ມີຜູ້ເຂົ້າຮ່ວມສົ່ງຜົນງານ ຫຼາຍກວ່າ 1,000 ຜົນງານ ຈາກທົ່ວໂລກ, ເຊີ່ງໃນປີນີ້ມີການແຂ່ງຂັນ 4 ປະເພດດ້ວຍກັນ ຄື: Single Photograph, Photo Series, London Photograph ແລະ Under 21s ເຊິ່ງໄດ້ເລີ່ມຮັບຜົນງານຕັ້ງແຕ່ຕົ້ນປີ 2021 ແລະ ປິດຮັບຜົນງານໃນເດືອນກໍລະກົດ ທີ່ຜ່ານມາ.

ໃນດ້ານການສົ່ງຜົນງານຂອງໂຕເອງ, ເຮົາເປັນໜຶ່ງຄົນທີ່ຕິດຕາມງານແຂ່ງຂັນນີ້ຢູ່ແລ້ວ, ພໍດີຊ່າງພາບຮຸ່ນນ້ອງ (ອານຸກິດ ຄິດສະຫວັດ) ໄດ້ຊວນສົ່ງຜົນງານໃນປີນີ້ ພ້ອມທັງແນະນຳຂໍມູນຕ່າງໆ, ຈຶ່ງຕັດສິນໃຈຄັດເລືອກຜົນງານທີ່ຕົນເອງມີສົ່ງເຂົ້າແຂ່ງຂັນໃນ 2 ປະເພດດ້ວຍກັນຄື Single Photo (ຈຳກັດບໍ່ເກີນ 3 ຮູບ) ແລະ Photo Series (1 ຊຸດບໍ່ເກີນ 8 ຮູບ) ເຊິ່ງໄດ້ ນັກຖ່າຍຮູບ Street Photography ແຖວໜ້າຂອງລາວ ທ່ານ ພານຸມາດ ດີສັດຖາ ແລະ ທ່ານນາງ ມິສຸດາ ເຮືອງສຸກຄຸນ ຜູ້ກໍ່ຕັ້ງ Mekong Art Initiative ເປັນທີ່ປຶກສາໃນການຄັດເລືອກຮູບເພື່ອສົ່ງເຂົ້າແຂ່ງຂັນໃນຄັ້ງນີ້."

ຄຳຖາມ: ເຮົາເບິ່ງວ່າຜົນງານຂອງອ້າຍທີ່ຜ່ານເຂົ້າຮອບສຸດທ້າຍນີ້ ຂ້ອນຂ້າງຈະ abstract ຕ້ອງໄດ້ອາໄສການຕີຄວາມເພີ່ມເລີຍຢາກຖາມວ່າ ພາບນີ້ໄດ້ຮັບແຮງບັນດານໃຈຈາກຫຍັງ? ເປັນມາແນວໃດຈຶ່ງອອກມາເປັນພາບນີ້ໄດ້?

ແສງພະຈັນ: "ຜົນງານຂອງອ້າຍທີ່ຜ່ານເຂົ້າຮອບສຸດທ້າຍນີ້ ແມ່ນຖ່າຍຂຶ້ນໃນຂະນະທີ່ມີການຝືກຊ້ອມການສະແດງ Slit2 ເຊິ່ງເປັນການສະແດງຂອງ ທ່ານ ພານຸມາດ ຮ່ວມກັບ ທ່ານ ໂຊໂກະ ໃນງານ Photodanse, ດ້ວຍ Dicisive Moments ທີ່ເກິດຂຶ້ນໃນຕອນນັ້ນ ອ້າຍເອງໄດ້ເກິດຈິນຕະນາການກ່ຽວກັບກັນສະທ້ອນຕົວຕົນຂອງຕົນເອງ, ທີ່ມີຕົວຕົນເຊື່ອງຊ້ອນຢູ່ພາຍໃຕ້ເງົາຂອງເຮົາເອງ, ຈຶ່ງໄດ້ຕັ້ງຊື່ຮູບນີ້ວ່າ “me behind me”.

ຄຳຖາມ: ແມ່ນຫຍັງທີ່ມີອິດທິພົນກັບການຖ່າຍພາບຂອງອ້າຍຫຼາຍທີ່ສຸດ?

ແສງພະຈັນ: "ໃນດ້ານອິດທິພົນ ທີ່ມີຕໍ່ການຖ່າຍຮູບຂອງອ້າຍແມ່ນ ດ້ານອາຣົມ ແລະ ຄວາມຮູ້ສຶກ ຂອງໃຈຄວາມທີ່ເຮົາຈະສື່ ສານອອກໄປ, ດັ່ງນັ້ນຮູບສ່ວນໃຫຍ່ຂອງອ້າຍມັກຈະສື່ໄປໃນດ້ານ ຄວາມຮູ້ສຶກເບື້ອງເລິກຂອງຈິດໃຈ, ຄວາມເຈັບປວດ, ເງົາສະທ້ອນຄວາມເປັນຈິງ ເພື່ອສື່ຄວາມໝາຍຂອງປະສົບການທີ່ເຄີຍພົບພໍ້ຂອງເຮົາ ຫຼືຄົນຮູ້ຈັກອອກມາຜ່ານຮູບພາບ."

ຄຳຖາມ: ການຖ່າຍພາບແບບສະຕຣີດຕາມການນິຍາມຂອງອ້າຍແມ່ນຫຍັງ?

ແສງພະຈັນ: "ການຖ່າຍພາບສະຕຣີດ ໃນນິຍາມຂອງອ້າຍແມ່ນ ການຢຸດເວລາໃນຊ່ວງເວລາທີ່ຄາດເດົາບໍ່ໄດ້ພຽງ Shutter ດຽວ ແລະ ສ້ຽວວິນາທີນັ້ນ ຄືຫົວໃຈຂອງການເລົ່າເລື່ອງ."

ຄຳຖາມ: ຢາກຝາກຫຍັງເຖິງນັກຖ່າຍພາບຄົນອື່ນໆ?

ແສງພະຈັນ: "ຢາກຝາກເຖິງ ນັກຖ່າຍພາບ Street Photography ຂອງລາວ, ໃຫ້ສ້າງສັນຜົນງານຕໍ່ໄປ, ຝືກຝົນວິທີການເລົ່າເລື່ອງ ແລະ ເກັບກຳຜົນງານໄວ້ຫຼາຍໆ ເພື່ອໂອກາດໃນເວທີສາກົນ ແລະ ພັດທະນາການຖ່າຍຮູບ ແບບ Street Photography ໃຫ້ເປັນທີ່ຮູ້ຈັກໃຫ້ເປັນວົງກວ້າງໃນບ້ານເຮົາ."

ຈົ່ງໃຫ້ຄຸນຄ່າທີ່ສູງກັບຜົນງານຕົນເອງ ແລ້ວທຸກຄົນຈະໃຫ້ຄູນຄ່າຂອງງານເຮົາ ບໍ່ຕ່າງຈາກຕົວເຮົາ, ຄິດໃຫ້ໃຫຍ່ ຝັນໃຫ້ໄກ ແລະໄປໃຫ້ເຖີງ ບໍ່ວ່າຈຸດໝາຍຈະເປັນແນວໃດ ແຕ່ລະຫວ່າງທາງຄືສີ່ງທີ່ມີຄ່າທີ່ສຸດ,” ພອນສະຫວັນ ແສງພະຈັນ.

Advertisement Replay Ad
ອ່ານດວງລາຍວັນປະຈໍາວັນອາທິດ ທີ 4 ພະຈິກ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອາທິດ ທີ 4 ພະຈິກ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 26 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 26 ຕຸລາ 2021 ຕາມແຕ່ລະວັນເກີດ

ມອບເຄື່ອງບໍລິຈາກມູນຄ່າລວມ 30 ລ້ານກີບໃຫ້ສູນສຸຂະພາບແມ່ ແລະ ເດັກ ປະກອບສ່ວນວຽກງານຕ້ານໂຄວິດ-19

ມອບເຄື່ອງບໍລິຈາກມູນຄ່າລວມ 30 ລ້ານກີບໃຫ້ສູນສຸຂະພາບແມ່ ແລະ ເດັກ ປະກອບສ່ວນວຽກງານຕ້ານໂຄວິດ-19

ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ