ວັນພະຫັດ ທີ 5 ສິງຫາ 2021

ຂ້ອຍບໍ່ເກັ່ງ ເພາະບໍ່ມີພອນສະຫວັນແມ່ນແທ້ບໍ? ສໍາພາດ "ໂຢ" ຄູຜູ້ສ້າງຄົນ ເຈົ້າຂອງປຶ້ມສູດເຄມີ

ຂ້ອຍບໍ່ເກັ່ງ ເພາະບໍ່ມີພອນສະຫວັນແມ່ນແທ້ບໍ? ສໍາພາດ "ໂຢ" ຄູຜູ້ສ້າງຄົນ ເຈົ້າຂອງປຶ້ມສູດເຄມີ
S! Muan

ສະໜັບສະໜູນເນື້ອຫາ

ສໍາພາດພິເສດ "ຢໍ້ຫາ ສິງຢົງເຊັ້ງ" ຫຼື ອາຈານໂຢ ທີ່ຫຼາຍຄົນຊື່ນຊົມ, ຍ້ອງຍໍ ແລະ ຮັກແພງ ຈາກຜົນສຳເລັດທີ່ແລກມາດ້ວຍຄວາມມານະອົດທົນ ຕັ້ງໃຈ ຈົນກາຍມາເປັນເຈົ້າຂອງປຶ້ມສູດເຄມີ ແລະ ຍ້ອນຄວາມມັກຮັກໃນການຮຽນ-ການສອນ ເພິ່ນຈຶ່ງເປັນອາຈານທີ່ຖ່າຍທອດບົດຮຽນໃຫ້ນັກຮຽນຫຼາຍໆຄົນ. ໂຢຄົນຊຽງຂວາງ ຮຽນຈົບປະລິນຍາ ສາຂາ ຄູເຄມີສາດ ຈາກ ມ.ຊ ປັດຈຸບັນ ອາຍຸ 25 ປີ ເປັນຄູສອນແລະ ເປີດສູນສອນອອນລາຍ ສອນເທັກນິກການແກ້ຂໍ້ສອບກຽມເສັງເຂົ້າມະຫາວິທະຍາໄລ ມຊ ແລະ ມວສ ມີໝູ່ທີ່ເປັນຄູ ແລະ ເປັນອະດິດນັກຮຽນເກັ່ງ ຮ່ວມສອນ ປະມານ 10 ຄົນ ມີນັກຮຽນປະມານ 400-500 ຄົນ ແລະ ກຳລັງຫາທຶນການສຶກສາເພາະມີແຜນຢາກຮຽນຕໍ່ໃນລະດັບປະລິນຍາໂທ.

1.ຈຸດເລີ່ມຕົ້ນເປັນຫຍັງຈຶ່ງມັກວິຊາເຄມີສາດ?

ອາຈານໂຢ:​ ເລີ່ມມັກວິຊາເຄມີສາດ ຕັ້ງຕອນຮຽນ ມ.2 ເພາະຄູປະຈຳວິຊາ ໃຫ້ເລົ່າສູດສັນຍາລັກທາດເຄມີ ທຳອິດຂ້ອຍເອງຍັງບໍ່ໄດ້ບໍ່ຈື່ສູດຈັກໂຕເລີຍ ມີໝູ່ໃນຊັ້ນດຽວກັນເກັ່ງກວ່າປະມານ 4-5 ຄົນ ຄູປະຈຳວິຊາໄດ້ຍ້ອງເຂົາໃຫ້ນັກຮຽນໃນຟັງ ຂ້ອຍກໍເລີຍຢາກໃຫ້ຄູຍ້ອງແດ່ ຢາກເປັນທີ່ຍອມຮັບ ຂອງໝູ່ເພຶ່ອນໃນຫ້ອງ, ຄູອາຈານ ແລະ ພໍ່ແມ່ ຂ້ອຍກໍຕັ້ງໃຈເປັນພິເສດ ທັງໃນຫ້ອງຮຽນ ແລະ ເວລາກັບເຮຶອນ ໄປລ້ຽງແບ້ ລ້ຽງງົວກໍເອົາເຈ້ຍສູດເຄມີ ສູດຄະນິດສາດໄປເລົ່ານຳ ເວລາຜ່ານໄປປະມານ 2-3 ເດືອນ ຂ້ອຍກໍເລີ່ມເປັນອັນດັບ 1 ຂອງຫ້ອງ. ນ້ອງຊັ້ນ ມ.2 ແລະ ຄູສາຍທຳມະຊາດ ກໍໄດ້ຍ້ອງຂ້ອຍໃຫ້ໝູ່ຟັງ ແລະ ໃຫ້ເອົາຂ້ອຍເປັນແບບຢ່າງ ກໍເລີຍເຮັດໃຫ້ຂ້ອຍຮູ້ສຶກມັກວິຊາ ເຄມີສາດ ຕັ້ງແຕ່ຕອນນັ້ນມາ ແລະ ມີຄວາມຝັນຢາກເປັນໝໍ ຢາກໃສ່ຊຸດທ່ານໝໍ ກໍເລີຍຕັ້ງໃຈຮຽນເລື້ອຍໆ ຫາຮຽນເພີ່ມເຕີມສາຍຄະນິດສາດ ແລະ ເຄມີສາດ ຈົນໃນທີ່ສູດສາມາດເສັງນັກຮຽນເກັ່ງຂັ້ນເມືອງ ແຂວງ ແລະ ລະດັບຊາດ ຊັ້ນ ມ.4.

216991466_520587786033240_496
2. ແຮງບັນໃຈທີ່ເຮັດໃຫ້ຢາກເປັນນັກຮຽນເກັ່ງ?

ອາຈານໂຢ: ຕອນທຳອິດແມ່ນຢາກຮຽນເກັ່ງເພາະຢາກໄດ້ການຍອມຮັບຈາກໝູ່ຄູ່ ຄູອາຈານ, ພໍ່ແມ່ ແລະ ຢາກເອົາຊະນະຄຳດູຖູຈາກໝູ່ເພຶ່ອນ ເພາະຕອນຮຽນ ປະຖົມເປັນເດັກທີ່ເວົ້າບໍ່ຄ່ອຍເກັ່ງ ຮຽນກໍບໍ່ຄ່ອຍໄດ້ ຂຶ້ນມາ ມ.1 ກໍຍັງເສັງວິຊາ ຄະນິດສາດ ບໍ່ຜ່ານ. ໝູ່ເພື່ອນທີ່ເປັນລູກພີ່ນ້ອງ 4-5 ຄົນທີ່ຮຽນຫ້ອງດຽວກັນ ເສັງຜ່ານໝົດເຫລືອແຕ່ຂ້ອຍທີ່ບໍ່ຜ່ານໄດ້ເສັງຄືນຮອບ 2.  ເຮັດຫຍັງກໍບໍ່ຄ່ອຍເປັນ ນຳຫລັງໝູ່ຕະຫລອດ ພໍຂຶ້ນມາ ມ.2 ຂ້ອຍເລີຍຮຽນທຸກມຶ້ ຄົ້ນຄວ້າບົດຮຽນບົດທີ່ຄູຍັງສອນບໍ່ຮອດໄປກ່ອນ 1 ບົດ ແລະ ທວນຄຶນບົດຮຽນທີ່ຮຽນຜ່ານມາຕະຫລອດທຸກວິຊາ ເວລາຮຽນກໍຕັ້ງໃຈຟັງຄູອະທີບາຍ ລຸກຂຶ້ນຕອບຄຳຖາມຄູ ແລະ ໄປແກ້ເລກຢູ່ກະດານຕະຫລອດ ເວລາໄປໄຮ່ໄປສວນ ໄປລ້ຽງງົວກໍເອົາບົດຮຽນເອົາເຈ້ຍສູດເຄມີໄປເລົ່ານຳ ພໍຂຶ້ສຮຽນ ມ.2 ຜ່ານໄປ 2ເດືອນ ຂ້ອຍກໍສາມາດເປັນທີ 1 ຂອງຫ້ອງຂອງຊັ້ນ ມ.2 ໄດ້.

212256317_514255753180318_360


ທີ່ຂ້ອຍຢາກເສັງເພາະວ່າຕອນຂ້ອຍຮຽນ ມ.3 ໄດ້ມີລຸ້ນອ້າຍ ມ.4 ທີ່ຮຽນໂຮງຮຽນດຽວກັນເຄີຍໄປເສັງນັກຮຽນເກັ່ງຮອດຂັ້ນລະດັບຊາດ ເປັນຄົນແລກຂອງໂຮງຮຽນ ມ. ສ ໜອງເປັດ ມາໄດ້ ເຊິ່ງໄດ້ຮັບຄຳຍ້ອງຍໍຊຢ່າງຫລວງຫລາຍຈາກຄຸອາຈານ ແລະ ລາວໄດ້ມີໂອກາດໄປຮຽນຢູ່ຫ້ອງພອນສະຫວັນ ມ. ສ ສັນຕິພາບ ເຊິ່ງຂ້ອຍຮູ້ສຶກວ່າລາວເທ່ຫລາຍ ຫລໍ່ຫລາຍສາວໆທົ່ວໂຮງຮຽນໃຜກໍຢາກເປັນໝູ່ນຳລາວ ກໍເລີຍມີໂມເມັ້ນແບບນັ້ນ ແລະ ຢາກໄດ້ໄປຮຽນຢູ່ຫ້ອງຮຽນພອນສະຫວັນ ຈຶ່ງເປັນແຮງບັນດາໃຈໃຫ້ຂ້ອຍຢາກເຂົ້າຮ່ວມສອບເສັງນັກຮຽນເກັ່ງ


3. ຈາກນັກຮຽນເກັ່ງ ສູ່ເຈົ້າຂອງປຶ້ມສູດເຄມີເຫຼັ້ມທຳອິດຂອງລາວ ແມ່ນມີຄວາມຍາກ ຫຼື ທ້າທາຍແນວໃດ?

ອາຈານໂຢ: ຫລັງຈາກທີ່ຂ້ອຍຮຽນຈົບ ມ.7 ຢູ່ຫລວງພະບາງ ຂ້ອຍໄດ້ຮັບທຶນມາຮຽນຕໍ່ສາຍຄູເຄມີສາດ ຢູ່ ມຊ ຂ້ອຍໄດ້ເຫັນວ່າຕະຫລອດໄລຍະເວລາ 4-5 ປີທີ່ຄົ້ນຄວ້າກຽມເສັງນັກຮຽນເກັ່ງມາ ສິ່ງທີ່ຂ້ອຍຢາກໄດ້ຫຼາຍແມ່ນປຶ້ມຕຳລາເຄມີ ທີ່ເປັນພາສາລາວ ແລະ ຫົວບົດສອບເສັງຕ່າງໆ ແຕ່ສະໄໝນັ້ນມັນຫາຍາກຫລາຍ ຄົ້ນໃນ Google ໃນ Facebook ກໍບໍ່ມີ ມີແຕ່ຂອງຕ່າງປະເທດ ຂ້ອຍເລີຍລວມຫົວບົດຕ່າງໆທີ່ຂ້ອຍມີ ໂພສລົງໃນເຟສບຸກ ໃຫ້ລຸ້ນນ້ອງໄດ້ຄົ້ນຄວ້າ ປາກົດວ່າມີລຸ້ນນ້ອງເຂົ້າມາກົດໄລ ກົດແຊຮ໌ ແລະ ຂໍໃຫ້ເອົາລົງຕື່ມ, ໃຫ້ອະທີບາຍວິທີແກ້ໃຫ້ ຂ້ອຍຢາກຊ່ວຍນ້ອງໆ ກໍເລີຍສ້າງເພຈຂຶ້ນມາ ແລ້ວເອົາບົດຂຽນທີ່ມີປະໂຫຍດໂພສລົງ ແລະ ເຮັດວິດີໂອສອນເທັກນິກການແກ້ບົດສອບເສັງຕ່າງໆ ແລະ ເຮັດແບບນັ້ນເລື້ອຍໆມາ ຈົນຂ້ອຍຮຽນປີ 3 ຂ້ອຍເລີຍຄິດວ່າຖ້າຂ້ອຍສັງລວມຫົວບົດຕ່າງໆ ສະຫຼຸບສູດທີ່ຂ້ອຍຮຽນມາ ພິມເຮັດເປັນປຶ້ມໄດ້ມັນຄົງຈະດີ ແລະ ມັນຈະໄດ້ຢູ່ຄຽງຄູ່ກັບນ້ອງນ້ອຍເຍົາວະເຊົາລາວເຮົາເພື່ອ ເປັນຄູ່ມືໃນການຄົ້ນຄວ້າຮໍ່າຮຽນໄດ້ອີກຫລາຍສິບປີ ຂ້ອຍເລີຍເລີ່ມຂຽນປຶ້ມກ່ຽວກັບເຄມີ ແລະ ຄະນິດສາດ ຫລາຍໆເຫລັ້ມ ເຊັ່ນ: ປຶ້ມລວມສູດເຄມີສາດ, ປຶ້ມປະກອບການຮຽນ ມ.1-7 , ປຶ້ມກຽມເສັງນັກຮຽນເກັ່ງ, ປຶ້ມກຽມເສັງເຂົ້າມະຫາວິທະຍາໄລ ແຕ່ບໍ່ໄດ້ພິມອອກຈຳໜ່າຍເພາະໃນການພິມອອກຕ້ອງໃຊ້ງົບປະມານຈຳນວນຫຼາຍສິບລ້ານ. ແຕ່ຍ້ອນຄວາມໃຝ່ຝັນ ທີ່ຈະໄດ້ເງິນມາສ້າງປຶ້ມດີໆໃຫ້ກັບນ້ອງນ້ອຍເຍົາວະເຍົາລາວເຮົາໄດ້ຊົມໃຊ້ໄປໃນອີກຫລາຍສິບປີ.

121231190_2030745550395985_42

ຖ້າເຮັດໄດ້ມັນຄືຄວາມພູມໃຈທີ່ສຸດຂອງລາວ ລາວຈຶ່ງໄດ້ເຮັດວຽກເສີມ, ຂາຍເຄື່ອງ, ສອນພິເສດ ຄ່ອຍໆຫາເງິນເກັບອອມ ຮຽນໄປນຳຫາເງິນສົ່ງຕົວເອງຮຽນ ແລະ ເກັບອອມເພື່ອພິມປຶ້ມໄປນຳ ຂ້ອຍໄດ້ໂພສປຶ້ມລົງໃນເຟສປາກົດວ່ານ້ອງໆນັກຮຽນຫຼາຍຄົນຕ້ອງການຢາກໄດ້ ກໍເລີຍຢາກພິມປຶ້ມແຕ່ເງິນກໍຍັງບໍ່ພໍ ເລີຍໄປປຶກສານຳໝູ່ທີ່ຮຽນນຳກັນ (ທ້າວ ຕົ່ງ ອິນທະຈັກ ແລະ ທ້າວ ເນັ້ງເປາະ) ເຊິ່ງຂ້ອຍຢາກບອກວ່າຖ້າບໍ່ມີໝູ່ສອງຄົນນີ້ປຶ້ມຫົວນີ້ຄົງເກີດຂຶ້ນບໍ່ໄດ້ ຂອບໃຈທີ່ໃຫ້ການຊ່ວຍເຫຼືອ ແລະ ເຊື່ອໝັ້ນໃນຕົວຂ້ອຍ ພໍຮຽນຈົບປີ 4 ສົກຮຽນ 2018-2019 ໄດ້ຕີພິມເຂົ້າເຫລັ້ມ ປຶ້ມຫົວທຳອິດ ຄື: ປຶ້ມ ລວມສູດເຄມີສາດ ຈຳນວນ 2000 ຫົວ (20ລ້ານກີບ) ຊຶ່ງເປັນປຶ້ມສູດເຄມີ ຫົວທຳອິດຂອງປະເທດລາວ ຊຶ່ງກໍຖືວ່າໄດ້ຮັບການສະໝັບສະໜູນຈາກຄູອາຈານ ແລະ ນັກຮຽນຈຳນວນຫລາຍ ສາມາດ ຂາຍໄດ້ 1000 ເຫລັ້ມພາຍໃນ 1 ເດືອນ.


ຄວາມຍາກ ແລະ ທ້າທາຍທີ່ສຸດໃນການຂຽນປຶ້ມຫົວນີ້ແມ່ນ ຕ້ອງພະຍາຍາມເຮັດໃຫ້ຖຶກຕ້ອງທີ່ສຸດ ແກ້, ພິມ ແລະ ກວດແກ້ໃຫ້ຖືກຕ້ອງທີ່ສຸດ ຕ້ອງມີຄວາມອົດທົນອົດຫລັບອົດນອນຫຼາຍຄືນຫຼາຍເດືອນຈຶ່ງໄດ້ ຕ້ອງມີຈິດໃຈທີ່ມັກຮັກແທ້ໆ, 2) ຕ້ອງໄດ້ໄປຜ່ານການກວດແກ້ ແລະ ຮັບຮອງຈາກສະຖາບັນຄົ້ນຄວ້າວິທະຍາສາດ ແລະ ແລ່ນເອກະສານທຸກຂັ້ນຕອນຕ່າງໆດ້ວຍຕົນເອງທຸກຢ່າງ, 3) ທຶນໃນການຕີພິມເຂົ້າເຫຼັ້ມປຶ້ມ ເພາະຖ້າພິມຈຳນວນ 100-200) ຕົ້ນທຶນຈະແພງຫຼາຍ ຕ້ອງພິມຂັ້ນ 1000 ຫົ່ວໄປ ເຊິ່ງໃຊ້ງົບຫຼາຍ.

209217114_331658205206048_616
4. ແມ່ນຫຍັງທີ່ໃຫ້ອາຈານໂຢຕັດສິນໃຈມາເປັນອາຈານສອນ?

ອາຈານໂຢ: ຂ້ອຍໄດ້ຍິນຫຼາຍໆຄົນບອກວ່ານັກຮຽນໃນເມືອງເຂົາເກັ່ງຫຼາຍ ເຂົາວ່າ ''ພະເອກບ້ານນອກ ບໍ່ທໍ່ກະຈອກໃນເມືອງ'' ຂ້ອຍຢ້ານຈະໄປຮຽນໂຮງຮຽນພອນສະຫວັນບໍ່ໄດ້ ພັກແລ້ງຂ້ອຍໄດ້ຂໍອະນຸຍາດພໍ່ແມ່ໄປອາໄສຢູ່ນຳພີ່ນ້ອງໃນຕົວເມືອງໂພນສະຫວັນ ຊຽງຂວາງ ເພື່ອໄປຮຽນເພີ່ມກຽມຄວາມພ້ອມ ມີບາງຊົ່ວໂມງຄູປະຈຳວິຊາເຄມີບໍ່ວ່າງ ລາວກໍຝາກໃຫ້ຂ້ອຍສອນໝູ່ເພື່ອນໃນຫ້ອງແທນ ແລ້ວກໍມີລຸ້ນນ້ອງ ແລະ ໝູ່ເພື່ອນຫຼາຍໆທີ່ຢາກຮຽນເພີ່ມແຕ່ບໍ່ມີຄິເປີດສອນ ເຂົາເຈົ້າເລີຍຂໍໃຫ້ສອນພິເສດໃຫ້ ຂ້ອຍເລີຍຂໍໃຫ້ພໍ່ໄປຊື້ກະດານ ແລະ ເຮັດໂຕະຕັ່ງ ໃຫ້ກໍເລີຍເລີ່ມສອນໝູ່ເພື່ອນ ໃນ ຊັ້ນ ມ.5 ແລະ ນ້ອງໆ ແລ້ວຫຼາຍໆຄົນກໍບອກວ່າຂ້ອຍສອນໄດ້ດີ ແລະ ເຂົ້າໃຈງ່າຍ ກໍເລີຍເຮັດໃຫ້ຂ້ອຍມັກຮັກໃນການສອນຕັ້ງແຕ່ມື້ນັ້ນມາ.

ພິເສດແມ່ນຊ່ວງພັກແລ້ວຂອງປີທີ່ຂ້ອຍຢູ່ ມ.6 ຂ້ອຍໄດ້ມາຂໍພໍ່ແມ່ເອົານ້ອງຊາຍຂ້ອຍໄປຢູ່ຫຼວງພະບາງນຳເພື່ອທີ່ຂ້ອຍຈະສອນລາວໃຫ້ກາຍເປັນນັກຮຽນເກັ່ງ ຂ້ອຍໄດ້ໄປເຊົ່າຫ້ອງແຖວໜ້ອຍໆຫ້ອງໜຶ່ງໃຫ້ລາວ ແລະ ໝູ່ລາວອີກຄົນໜຶ່ງຢູ່ນ້າກັນ ແລ້ວຂ້ອຍກໍສອນໃຫ້ລາວສາມາດເສັງໄດ້ອັນດັບ 1 ຂອງເມືອງແປກ ອັນດັບ1 ຂອງແຂວງຊຽງຂວາງ ແລະ ຕິດອັນດັບ 4 ລະດັບຊາດ (ລາງວັນຊົມເຊີຍ) ເຊິ່ງເຮັດໃຫ້ຂ້ອຍພາກພູມໃຈຫຼາຍດີໃຈຫຼາຍກວ່າທີ່ຕົນເອງເສັງໄດ້ອິກເປັນ 10ເທົ່າ ຫົວໃຈດວງນ້ອຍໆຂອງຂ້ອຍເລີຍກາຍເປັນຄູ ແລະ ມີຈິດວິນຍານຄວາມເປັນຄູຢ່າງແທ້ຈິງ ຢາກເຫັນລູກສິດຕົນເອງປະສົບຜົນສໍາເລັດ ເລີຍເລືອກທີ່ຈະຮຽນສາຍຄູ (ຄວາມຝັນຕອນນ້ອຍຢາກເປັນໝໍ ແຕ່ມາຄົ້ນຄວ້າຄວາມຈີງວ່າຕົນເອງຢາກເປັນຄູຫຼາຍກວ່າ) 

 215641632_282943650252511_390

5. ທີ່ຜ່ານມາຫາປັດຈຸບັນ ໄດ້ຮັບລາງວັນ ຫຼື ແຂ່ງຂັນຫຍັງແດ່?

ອາຈານໂຢສະໄໝນັກຮຽນເກັ່ງ-ປັດຈຸບັນ: ສົກຮຽນ 2011-2012 ເສັງນັກຮຽນເກັ່ງ ວິຊາ ເຄມີສາດ ຊັ້ນ ມ.4 ໄດ້ອັນດັບ1 ຊັ້ນເມືອງແປກ ອັນດັບ1 ຂັ້ນແຂວງຊຽງຂວາງ ແລະ ເຂົ້າຮ່ວມເສັງລະດັບຊາດໄດ້ອັນດັບ 4 (ລາງວັນຊົມເຊີຍ) ໄດ້ຮັບທຶນໄປທັດສະນະສຶກສາທີ່ປະເທດຍີ່ປຸ່ນ ໄລຍະເວລາ 10ມື້ສົກຮຽນ 2014-2015 ເສັງນັກຮຽນເກັ່ງ ວິຊາ ເຄມີສາດ ຊັ້ນ ມ.7 ໄດ້ອັນດັບ1 ຂັ້ນຫ້ອງຮຽນພອນສະຫວັນ, ອັນດັບ1 ຂັ້ນແຂວງຫຼວງພະບາງ ແລະ ເຂົ້າຮ່ວມເສັງລະດັບຊາດ (ບໍ່ຕິດອັນດັບ) ໄດ້ທີ6ເສັງຈົບຊັ້ນ ມ.7 ໄດ້ຄະແນນລວມ 8 ວິຊາ 71 ຄະແນນ (ອັນດັບ3 ຂອງແຂວງ) ໄດ້ທືນຮຽນຕໍ່ ຄູເຄມີ ທີ່ ມ.ຊເສັງຍາດທືນໄປຮຽນຕໍ່ທີ່ ສສ ຫວຽດນາມ ໄດ້ຄະແນນເປັນອັນດັບ1 ຂອງແຂວງ ໄດ້ທືນປະລິຍາຕີໄປຮຽນຄູເຄມີສາດ ທີ່ ສສ ຫວຽດນາມ ແຕ່ສະຫຼະສິດທືນ ບໍ່ໄດ້ໄປເພາະເປົ້າໝາຍສູງສຸດຄື ມາຮຽນຢູ່ວຽງ ແລະ ເສັງໄປປະເທດຢີ່ປຸ່ນ

ຫຼັງຈາກມາຮຽນຢູ່ ມຊ ກໍໄດ້1 ປີກເຂົ້າຮ່ວມເສັງທືນ (Mext) ທືນຂອງລັດຖະບານຢີ່ປຸ່ນ ເຊິ່ງກໍເສັງຕິດອັນດັບ 16ຄົນ ຈາກຈຳນວນນັກສອບ 300ປາຍຄົນທີ່ເຂົ້າຮ່ວມເສັງ ແຕ່ບໍ່ຜ່ານຮອຍສຸດທ້າຍ ເລີຍຜິດຫວັງອີກຄັ້ງ (ຮ້ອງໄຫ້ໄດ້ 2ມື້) ສົກຮຽນ 2016-2017 ສະໝັກທືນ NaGaO ເຊິ່ງເປັນທືນຊ່ວຍເຫຼືອຈາກປະເທດຢີ່ປຸ່ນມອບໃຫ້ສຳລັບນັກສຶກສາທີ່ຮຽນເກັ່ງຮຽນຈົບຄູເຄມີສາດ ຈາກ ມຊ ສົກຮຽນ 2018-2019 ດ້ວຍຄະແນນສະເລ່ຍ 3,61 (ເກຣດ B+)ປັດຈຸບັນກຳລັງຫາທືນ ແລະ ວາງແຜນສຶກສາຕໍ່ລະດັບປະລິຍາໂທ.

 215382086_538293940539497_191

6. ຢາກຝາກບອກຫຍັງກັບນັກຮຽນທີ່ຄິດວ່າໂຕເອງບໍ່ສາມາດເກັ່ງໄດ້ ຍ້ອນບໍ່ມີພອນສະຫວັນ?

ອາຈານໂຢ: ຢາກບອກທຸກຄົນ ວ່າ ທີ່ຈິງຂ້ອຍເອງກໍເປັນຄົນຮຽນບໍ່ເກັ່ງມາແຕ່ນ້ອຍ ແຕ່ ປ.1-ມ.1 ບໍ່ເຄີຍໄດ້ທີ 1-2-3 ບາງຄັ້ງກໍເປັນທີ່ສຸດທ້າຍກໍມີ ເຊິ່ງເປັນເດັກຂີ້ອາຍ ບໍ່ກ້າສະແດງອອກ ຈະຖືກໝູ່ ແລະ ຄົນອຶ່ນເວົ້າໃຫ້ວ່າໂງ່  ບາງຄັ້ງພໍ່ແມ່ກໍຄິດແບບນັ້ນເພາະເຮົາບໍ່ເຄີຍພິສູດໃຫ້ເພິ່ນເຫັນ ມີອ້າຍນ້ອງຄີກເຂົ້າຮຽນ 7 ຄົນ ທຸກຄົນຮຽນພໍໄດ້ ແລະ ເກັ່ງໝົດເຫລືອແຕ່ຕົວເອງຜູ້ດຽວ ບາງຄັ້ງກໍທໍ້ ຮູ້ສຶກວ່າຕົນເອງເປັນປົມດ້ອຍຂອງຄອບຄົວ, ແຕ່ຍ້ອນຂ້ອຍເອງເປັນຄົນທີ່ເຊື່ອໝັ່ນໃນຕົວເອງວ່າຂ້ອຍຕ້ອງເປັນຄົນເກັ່ງໃຫ້ໄດ້ ບວກກັບຂ້ອຍມີຄວາມດຸໝັ່ນ ມັກຊອກຮູ້ຮ່ຳຮຽນສິ່ງໃໝ່ຢູ່ຕະຫຼອດເວລາ ເຮັດໃຫ້ຂ້ອຍກາຍມາເປັນຄວາມພາກພູມໃຈຂອງວົງຕະກຸນ ແລະ ເປັນທີ່ເພິ່ງຂອງຄວບຄົວໄດ້ໃນທຸກມື້ນີ້ ຂ້ອຍເຊື່ອວ່າເຈົ້າກໍເກັ່ງໄດ້ ເຊື່ອໝັ້ນໃນຕົວເອງ ແລະ ຈັບປຶ້ມມາຮຽນໃຫ້ເຕັມທີ່ ພິສູດໃຫ້ຄົນອຶ່ນເຫັນວ່າເຈົ້າກໍເກັ່ງໄດ້ ສູ້ໆ.


7. ເຕັກນິກການຈະເປັນນັກຮຽນເກັ່ງໄດ້ ຕ້ອງມີຫຍັງເປັນພື້ນຖານ?

ອາຈານໂຢ:  ຂ້ອຍເຊື່ອວ່າຄົນເຮົາທຸກຄົນເກັ່ງໄດ້ ຖ້າເຈົ້າມີ 3 ສິ່ງນີ້: ພອນສະຫວັນ, ຄວາມດຸໝັ່ນ ແລະ ທັດສະນະຄະຕິທີ່ດີ. ຖ້າເຈົ້າເປັນຄົນນຽນເກັ່ງມາແຕ່ນ້ອຍ ແຕ່ມີຂາດທັດສະນະຄະດີທີ່ດີ ມັກຫລັງຕົວເອງວ່າເກັ່ງແລ້ວ ບໍ່ຄົ້ນຄວ້າບົດຮຽນ ສຸດທ້າຍເຈົ້າກໍກາຍເປັນຄົນອ່ອນຄືກັນ ແຕ່ກົງກັນຂ້າມເຈົ້າບໍ່ມີດອນສະຫວັນນຽນບໍ່ເກັ່ງມາແຕ່ນ້ອຍ ແຕ່ຖ້າເຈົ້າມີຄວາມເຊື່ອວ່າເຈົ້າຈະເກັ່ງໄດ້ ແລ້ວດຸໝັ່ນຄົ້ນຄວ້າບົດຮຽນຮຽນຮູ້ ສິ່ງໃໝ່ຢູ່ຕະຫລອດເວລາສຸດທ້າຍເຈົ້າກໍຈະກາຍເປັນຄົນເກັ່ງໄດ້ຄືກັນ ຕົວຢ່າງ : ພອນສະຫວັນ 70% + ຄວາມດຸຫມັ່ນ 30% ຖ້າເຈົ້າມີພອນສະຫວັນ + ມີຄວາມອົດທົນດຸໝັ່ນ + ທັດສະນະຄະດີທີ່ດີ = ອັດສະລິຍະ ຕົວຢ່າງ : ພອນສະຫວັນ 30% + ຄວາມຂະຫຍັນ 70% ຖ້າເຈົ້າມີພອນສະຫວັນໜ້ອຍ + ອົດທົນດຸໝັ່ນຮຽນຮູ້ຫລາຍກວ່າຄົນອື່ນ + ຄວາມຄິດທີ່ເປັນເລີດ = ນາຍົກຄົນຕໍ່ໄປອາດຈະເປັນເຈົ້າ ''ຈົ່ງເປັນຄົນເກັ່ງທີ່ເຄີຍອ່ອນ ຢ່າເປັນຄົນອ່ອນທີ່ເຄີຍເກັ່ງ''

168132368_497122264648967_273

ຖືໄດ້ວ່າເປັນໄວໜຸ່ມອີກຄົນທີ່ມີຄວາມຮູ້, ຄວາມສາມາດ ແລະ ມີຄວາມມານະອົດທົນ ເປັນແບບຢ່າງທີ່ດີຫຼາຍທີ່ມັກໄຝ່ຮຽນຮູ້ຢູ່ສະເໝີ ເຖິງແມ່ນລາວ ຈະຜິດຫວັງກັບການສອບເສັງນັກຮຽນເກັ່ງລະດັບຊາດ ແຕ່ລາວ ກໍສາມາດ ພັດທະນາຕົນເອງ ຈົນສາມາດປະສົບຜົນສໍາເລັດໃນຫຼາຍໆເລື່ອງຄືໃນປັດຈຸບັນ ນ້ອງໆຫຼາຍຄົນຄວນປະຕິບັດຕາມ ໃນການຕັ້ງໃຈຮໍ່າຮຽນ ແລະ ບໍ່ຍອມແພ້ ເພື່ອຈະໄດ້ປະສົບຜົນສຳເລັດໃນອະນາຄົດ ຄືກັບອາຈານໂຢ. 

ສາມາດຕິດຕາມ ແລະ ຮໍ່າຮຽນນໍາອາຈານໂຢໄດ້ທີ່: Yorheart Hang & ສູນສອນອອນໄລນ໌

 

 

 

Advertisement Replay Ad

ຂໍຂອບໃຈ

ພາບ : Yorheart Hang

ບໍ່ທໍາມະດາ! ເນັດໄອດໍ້ ປາບູ່ ກ້າວສູ່ວົງການ ເປັນນາງເອກ ແລະ ຜູ້ກຳກັບເອງ ໃນຊີຣີແດນປິດສະໜາ

ບໍ່ທໍາມະດາ! ເນັດໄອດໍ້ ປາບູ່ ກ້າວສູ່ວົງການ ເປັນນາງເອກ ແລະ ຜູ້ກຳກັບເອງ ໃນຊີຣີແດນປິດສະໜາ

ສ່ອງ ຜົນງານ ບອສ Black Modeling ດາວດວງໃໝ່ ທີ່ບໍ່ເຄີຍຢຸດພັດທະນາຕົນເອງ

ສ່ອງ ຜົນງານ ບອສ Black Modeling ດາວດວງໃໝ່ ທີ່ບໍ່ເຄີຍຢຸດພັດທະນາຕົນເອງ

"ຜິດຫວັງ" ເພງລາວອົກຫັກກະຊາກອາລົມ ຈາກນັກຮ້ອງໜຸ່ມ Gomen

"ຜິດຫວັງ" ເພງລາວອົກຫັກກະຊາກອາລົມ ຈາກນັກຮ້ອງໜຸ່ມ Gomen

ຈາກເນັດໄອດໍ້ ສູ່ສິລະປິນຄຸນນະພາບ! ສ່ອງ "ຕຸກຕາ" ນາງເອກ MV ເພງຫຼົງສາວຊຽງຂວາງ

ຈາກເນັດໄອດໍ້ ສູ່ສິລະປິນຄຸນນະພາບ! ສ່ອງ "ຕຸກຕາ" ນາງເອກ MV ເພງຫຼົງສາວຊຽງຂວາງ

ເຊຍຈົນວິນາທີສຸດທ້າຍ! "ອາສຸນ" ໜຸ່ມຜົ້ງສາລີ ໝາຍເລກ 01 ຈາກນັກທຸລະກິດ ສູ່ເວທີປະກວດຊາຍງາມ

ເຊຍຈົນວິນາທີສຸດທ້າຍ! "ອາສຸນ" ໜຸ່ມຜົ້ງສາລີ ໝາຍເລກ 01 ຈາກນັກທຸລະກິດ ສູ່ເວທີປະກວດຊາຍງາມ

ເຜີຍສາເຫດ "ເບຍ ດາໃນ" ຖອນໂຕກະທັນຫັນ ຈາກໂປຣເຈັກໃຫຍ່ 7Days 7Boys ເພື່ອສິ່ງນີ້!

ເຜີຍສາເຫດ "ເບຍ ດາໃນ" ຖອນໂຕກະທັນຫັນ ຈາກໂປຣເຈັກໃຫຍ່ 7Days 7Boys ເພື່ອສິ່ງນີ້!

ພ້ອມເດີນຕາມຝັນ! ເຊຍເລີຍ ບ່າວກົດໝາຍ "ໂບ່ລິ້ງ" ຜູ້ຫຼົງຮັກສຽງດົນຕີເປັນຊີວິດຈິດໃຈ

ພ້ອມເດີນຕາມຝັນ! ເຊຍເລີຍ ບ່າວກົດໝາຍ "ໂບ່ລິ້ງ" ຜູ້ຫຼົງຮັກສຽງດົນຕີເປັນຊີວິດຈິດໃຈ

ຂ້ອຍບໍ່ເກັ່ງ ເພາະບໍ່ມີພອນສະຫວັນແມ່ນແທ້ບໍ? ສໍາພາດ "ໂຢ" ຄູຜູ້ສ້າງຄົນ ເຈົ້າຂອງປຶ້ມສູດເຄມີ

ຂ້ອຍບໍ່ເກັ່ງ ເພາະບໍ່ມີພອນສະຫວັນແມ່ນແທ້ບໍ? ສໍາພາດ "ໂຢ" ຄູຜູ້ສ້າງຄົນ ເຈົ້າຂອງປຶ້ມສູດເຄມີ

ບໍ່ທໍາມະດາ! "ຈີ່ມມີ້" ໂຊບົດຟ້ອນສິນໄຊຍິງຊອນ ຜູ້ພິຊິດໃຈກໍາມະການ ໝາຍເລກ ​20

ບໍ່ທໍາມະດາ! "ຈີ່ມມີ້" ໂຊບົດຟ້ອນສິນໄຊຍິງຊອນ ຜູ້ພິຊິດໃຈກໍາມະການ ໝາຍເລກ ​20

"ເພງຂອງເຮົາ" ຟັງແລ້ວອົບອຸ່ນໄປທັງຫົວໃຈ ຜົນງານເພງຄວາມໝາຍດີໆ ຈາກ ຕານຸ ວັນນະສິນ

"ເພງຂອງເຮົາ" ຟັງແລ້ວອົບອຸ່ນໄປທັງຫົວໃຈ ຜົນງານເພງຄວາມໝາຍດີໆ ຈາກ ຕານຸ ວັນນະສິນ

ສ່ອງ "ວຽງຄໍາ" ຊາຍງາມທີ່ມາແຮງໃນນາທີນີ້ ຊ້າງເຜືອກແຫ່ງເວທີ Mister Laos

ສ່ອງ "ວຽງຄໍາ" ຊາຍງາມທີ່ມາແຮງໃນນາທີນີ້ ຊ້າງເຜືອກແຫ່ງເວທີ Mister Laos

ຫຼົງສຽງ ນັດດາວ ອີກແລ້ວ! ຟັງໄປ ເຈັບໄປກັບເພງນີ້ "ໃຫ້ເຈົ້າໄປ" ເພງເສົ້າສຸດຊຶ້ງທີ່ຢາກບອກຕໍ່

ຫຼົງສຽງ ນັດດາວ ອີກແລ້ວ! ຟັງໄປ ເຈັບໄປກັບເພງນີ້ "ໃຫ້ເຈົ້າໄປ" ເພງເສົ້າສຸດຊຶ້ງທີ່ຢາກບອກຕໍ່

"ສຽວອີ້" MTL15 ສາວໝວຍ ຈິດໃຈດີ ຜູ້ສົ່ງຕໍ່ພະລັງບວກໃຫ້ຄົນອ້ອມຂ້າງ ມ້າມືດບໍ່ຄວນເບິ່ງຂ້າມ!

"ສຽວອີ້" MTL15 ສາວໝວຍ ຈິດໃຈດີ ຜູ້ສົ່ງຕໍ່ພະລັງບວກໃຫ້ຄົນອ້ອມຂ້າງ ມ້າມືດບໍ່ຄວນເບິ່ງຂ້າມ!

ສາຍສໍາພັນທີ່ດີ ລາວ-ໄທ ບໍ່ຖິ້ມກັນ! ນຸນີ່-ອ໊ອຟ ແຈກອາຫານ ໃຫ້ເຈົ້າໜ້າທີ່ ໃນເຫດການໄຟໄໝ້ໂຮງງານ

ສາຍສໍາພັນທີ່ດີ ລາວ-ໄທ ບໍ່ຖິ້ມກັນ! ນຸນີ່-ອ໊ອຟ ແຈກອາຫານ ໃຫ້ເຈົ້າໜ້າທີ່ ໃນເຫດການໄຟໄໝ້ໂຮງງານ

ສົ່ງຕໍ່ງານດີ! ໜຸ່ມມາກ ຈາກເວທີ Mister Laos Mister International Laos ບໍ່ຮູ້ຈັກບໍ່ໄດ້ແລ້ວ

ສົ່ງຕໍ່ງານດີ! ໜຸ່ມມາກ ຈາກເວທີ Mister Laos Mister International Laos ບໍ່ຮູ້ຈັກບໍ່ໄດ້ແລ້ວ

ເຊຍກັນ ຫຼື ຍັງ? "ມັນເດ" ໜຸ່ມຫຸ່ນສູງໃນເວທີປະກວດຊາຍງາມ ເດີນແບບດີ ໂຕ້ວ່າທີໄດ້

ເຊຍກັນ ຫຼື ຍັງ? "ມັນເດ" ໜຸ່ມຫຸ່ນສູງໃນເວທີປະກວດຊາຍງາມ ເດີນແບບດີ ໂຕ້ວ່າທີໄດ້

ຈັດເຕັມແທ້! ລູກເຂີຍໃສ່ມອງ ດຶງ "ອານິຕ້າ" ມາເປັນນາງເອກ MV ເພງໃໝ່ ພ້ອມທໍາລາຍສະຖິຕິເພງເກົ່າ

ຈັດເຕັມແທ້! ລູກເຂີຍໃສ່ມອງ ດຶງ "ອານິຕ້າ" ມາເປັນນາງເອກ MV ເພງໃໝ່ ພ້ອມທໍາລາຍສະຖິຕິເພງເກົ່າ

ສໍາພາດພິເສດ "ວິນ" ພໍ່ຄ້າສາຍບຸນ ຜູ້ມີຄວາມສຸກ ຈາກການເປັນຜູ້ໃຫ້ ແລະ ໄດ້ຊ່ວຍເຫຼືອຄົນອື່ນ

ສໍາພາດພິເສດ "ວິນ" ພໍ່ຄ້າສາຍບຸນ ຜູ້ມີຄວາມສຸກ ຈາກການເປັນຜູ້ໃຫ້ ແລະ ໄດ້ຊ່ວຍເຫຼືອຄົນອື່ນ

ບຣິດນີ ສະເປຍ ກ່າວຕໍ່ໜ້າສານດ້ວຍຕົນເອງຄັ້ງທຳອິດໃນຮອບຫຼາຍປີ 'ຂ້ອຍພຽງຕ້ອງການຊີວິດກັບມາ'

ບຣິດນີ ສະເປຍ ກ່າວຕໍ່ໜ້າສານດ້ວຍຕົນເອງຄັ້ງທຳອິດໃນຮອບຫຼາຍປີ 'ຂ້ອຍພຽງຕ້ອງການຊີວິດກັບມາ'

"ເພາະຄຸນຄ່າຄວາມເປັນມະນຸດນຳກັນ ເຮົາທຸກຄົນມີໃນໂຕຢູ່ແລ້ວ" ສຳພາດພິເສດ ປໍ້ ຕະການ ໜຶ່ງໃນ LGBTQ

"ເພາະຄຸນຄ່າຄວາມເປັນມະນຸດນຳກັນ ເຮົາທຸກຄົນມີໃນໂຕຢູ່ແລ້ວ" ສຳພາດພິເສດ ປໍ້ ຕະການ ໜຶ່ງໃນ LGBTQ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ