ວັນພະຫັດ ທີ 9 ທັນວາ 2021

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

S! Muan

ສະໜັບສະໜູນເນື້ອຫາ

ໃນປີທີ່ຜ່ານມາ ພວກເຮົາໄດ້ມີການໃຊ້ເວລາໃນໂລກອອນລາຍຫຼາຍກວ່າໄລຍະອື່ນໆທີ່ຜ່ານມາ ໂດຍສະເພາະເດັກນ້ອຍ ແລະ ເຍົາວະຊົນ ທີ່ບໍ່ໄດ້ໃຊ້ອິນເຕີເນັດ ພຽງເພື່ອການຕິດຕໍ່ສື່ສານກັບໝູ່ຄູ່ ຫຼື ເຂົ້າຫາຂໍ້ມູນເຮັດບົດລາຍງານອີກຕໍ່ໄປແລ້ວ ແຕ່ຍັງຕ້ອງມີການປ່ຽນແປງມາຮຽນອອນລາຍເລື້ອຍຂຶ້ນ ເຮັດໃຫ້ອິນເຕີເນັດ ກາຍເປັນສິ່ງທີ່ສຳຄັນຫຼາຍຕໍ່ການດຳລົງຊີວິດ.

ພວກເຮົາໂຊກດີ ທີ່ວ່າໂລກລະບາດທົ່ວໂລກນີ້ມີຜົນກະທົບຕໍ່ການຮໍ່າຮຽນໜ້ອຍທີ່ສຸດ, ວັນແຫ່ງການໃຊ້ອິນເຕີເນັດຢ່າງປອດໄພ ແມ່ນໂອກາດທີ່ຈະຄິດເຖິງສິ່ງທີ່ພວກເຮົາສາມາດເຮັດໄດ້ ເພື່ອສ້າງໂລກອອນລາຍທີ່ດີກວ່າສຳລັບຊາວໜຸ່ມ.

(ຮູບພາບ: https://www.facebook.com/safety/parents)

ວຽກງານຂອງພວກເຮົາທີ່ Facebook ແລະ Instagram

ເນື່ອງໃນໂອກາດວັນແຫ່ງການໃຊ້ອິນເຕີເນັດຢ່າງປອດໄພໃນວັນທີ 9 ກຸມພານີ້, ແອມເບີ້ ຮັອກສ໌ (Amber Hawkes), ຫົວໜ້າຄວາມປອດໄພຂອງ Facebook ທີ່ອາຊີປາຊີຟິກ ໄດ້ກ່າວວ່າ “ໃນຖານະທີ່ເປັນແມ່, ຂ້າພະເຈົ້າຮູ້ວ່າໄວໜຸ່ມ ມີຄວາມສ່ຽງຫຼາຍກວ່າຄົນອື່ນທາງອິນເຕີເນັດ ແລະ ວຽກຂອງຂ້ອຍທີ່ Facebook ແມ່ນຊ່ວຍຮັກສາພວກເຂົາໃຫ້ປອດໄພ ຜ່ານຜະລິດຕະພັນ ແລະ ນະໂຍບາຍຂອງພວກເຮົາ. ນອກເໜືອຈາກຄວາມເປັນສ່ວນຕົວ ແລະຄວາມປອດໄພທີ່ມີໃຫ້ກັບຜູ້ໃຊ້ Facebook ແລະ Instagram ທັງໝົດ, ພວກເຮົາຍັງມີການປົກປ້ອງເພີ່ມເຕີມອີກ ຈຳນວນໜຶ່ງເພື່ອປ້ອງກັນກຸ່ມເດັກນ້ອຍ.

ເຮົາກຳນົດໃຫ້ຜູ້ໃຊ້ຕ້ອງມີອາຍຸຫຼາຍກວ່າ 13 ປີຂຶ້ນໄປ ຈຶ່ງສາມາດສ້າງບັນຊີ Facebook ແລະ Instagram ແລະ ຂໍ້ກຳນົດທາງດ້ານອາຍຸນີ້ມີການປັບໃຫ້ສູງຂຶ້ນໄປອີກໃນບາງປະເທດການຕັ້ງຄ່າຄວາມເປັນສ່ວນໂຕ ແລະ ຟີເຈີ້ການເບິ່ງເຫັນຕ່າງໆ ຈະມີມາດຕະການທີ່ເຂັ້ມງວດກວ່າບັນຊີຂອງຜູ້ໃຫຍ່ເຊັ່ນ: ການສົ່ງຂໍ້ຄວາມໄປຫາຊາວໜຸ່ມໃນ Facebook ໂດຍທີ່ຜູ້ສົ່ງບໍ່ໄດ້ເປັນໝູ່ກັນ ຫຼື ເປັນໝູ່ຂອງໝູ່ເຂົາ ຂໍ້ຄວາມເຫຼົ່ານັ້ນຈະຖືກຂັດອອກຈາກກ່ອງຂໍ້ຄວາມຂອງຊາວໜຸ່ມທັນທີ ແລະ ຖືກຈັດໄປຢູ່ໂຟນເດີ້ສະແປມໂດຍອັດຕະໂນມັດ.”

ການນຳທາງອອນລາຍຢ່າງປອດໄພໃນຖານະຜູ້ປົກຄອງ

ການເວົ້າກ່ຽວກັບຄວາມປອດໄພທາງອິນເຕີເນັດຄວນກາຍເປັນສ່ວນໜຶ່ງຂອງຊີວິດປະຈຳວັນ - ຄືກັນກັບການສົນທະນາກ່ຽວກັບ (ໄພອັນຕະລາຍຂອງຄົນແປກໜ້າ) ຫຼື ການຂ້າມຖະໜົນ ແລະ ພວກເຂົາຄວນຈະເລີ່ມຕົ້ນແຕ່ນ້ອຍ. ເດັກນ້ອຍສ່ວຍໃຫຍ່ຈະຮູ້ຈັກກັບອຸປະກອນການສື່ສານຕັ້ງແຕ່ເກີດ - ຕັ້ງແຕ່ການສັງເກດເບິ່ງພໍ່ແມ່, ສະນັ້ນມັນບໍ່ໄວເກີນໄປ ທີ່ຈະແນະນຳຄວາມປອດໄພທາງອິນເຕີເນັດກັບເຂົາ.

ໃນສ່ວນ ໜຶ່ງຂອງການເວົ້າກ່ຽວກັບຄວາມປອດໄພທາງອິນເຕີເນັດ, ເດັກນ້ອຍຄວນເຂົ້າໃຈວ່າການເຂົ້ານຳໃຊ້ອຸປະກອນ ແລະ ອິນເຕີເນັດ ແມ່ນຈະມາພ້ອມຄວາມຮັບຜິດຊອບ. ພວກເຂົາຕ້ອງມີບົດບາດໃນການຮັກສາຕົວເອງ ແລະ ຄົນອື່ນໃຫ້ປອດໄພໃນໂລກອອນລາຍ.

ເວັບໄຊຄູ່ມືແນະນຳການໃຊ້ Facebook ສຳລັບ ຜູ້ປົກຄອງ ແລະ ຄູ່ມື Instagram ຂອງພໍ່ແມ່ ເປັນການແນະນຳທີ່ດີ ສຳລັບພໍ່ແມ່ ແລະ ຜູ້ເບິ່ງແຍງ ປະກອບມີລາຍລະອຽດກ່ຽວກັບວິທີນຳໃຊ້ແອັບ, ຄຳແນະນຳໃນການເວົ້າກັບລູກຂອງທ່ານ ແລະ ຄຳແນະນຳຈາກຜູ້ຊ່ຽວຊານ, ແຕ່ຂ້າງລຸ່ມນີ້ແມ່ນ 5 ເຄັດລັບເພື່ອໃຫ້ລູກຂອງທ່ານໃຊ້ອິນເຕີເນັດຢ່າງປອດໄພ.

1.) ມີສ່ວນຮ່ວມໃນໂລກອອນລາຍຂອງເດັກນ້ອຍ

ພໍ່ແມ່ຄວນເລີ່ມລົມນຳລູກໆ ໃນຫົວຂໍ້ຕ່າງໆ ກ່ຽວກັບເຕັກໂນໂລຊີຕັ້ງແຕ່ເຂົາອາຍຸຍັງນ້ອຍ ເຊັ່ນ: ການເວົ້າເຖິງການໃຊ້ງານອິນເຕີເນັດເທື່ອທຳອິດ ການໃຊ້ໂທລະສັບມືຖື ຫຼື ການເຂົ້າໃຈເຖິງວິທີການປະພຶດຕົນໃນສື່ສັງຄົມອອນລາຍ ທີ່ເໝາະສົມ ເປັນຕົ້ນແມ່ນ ຖ້າລູກຂອງທ່ານມັກຫລິ້ນເກມ ຄວນນັ່ງນຳເຂົາໃນຂະນະທີ່ເຂົາຫຼິ້ນເກມ ຫາກລູກທີ່ກຳລັງເປັນໄວລຸ້ນ ແລະໃຊ້ Facebook ຫຼື Instagram ກໍຄວນແນະນຳກັບພວກເຂົາກ່ຽວກັບການເພີ່ມ ຫຼື ຕິດຕາມໝູ່ ໃຫ້ເອົາໃຈໃສ່ເວົ້າເຖິງຄົນທີ່ເຂົາຕິດຕໍ່ນຳດ້ວຍ ແລະ ເນື້ອຫາທີ່ເຂົາມັກແຊຣ ບອກໃຫ້ເຂົາຮູ້ວ່າສາມາດລົມນຳພວກທ່ານໄດ້ສະເໝີ ຖ້າຫາກເຈິປະສົບການທີ່ບໍ່ເໝາະສົມໃນໂລກອອນລາຍ.

2.) ໃຊ້ການຕັ້ງຄ່າທີ່ມີຄວາມເປັນສ່ວນໂຕ ແລະ ເພີ່ມຄວາມປອດໄພ

Facebook, Instagram, WhatsApp ແລະ Messenger ທັງໝົດມີການຕັ້ງຄ່າທີ່ສາມາດໃຫ້ການຄວບຄຸມໃນສິ່ງທີ່ເຂົາ ແຊຣ໌, ບຸກຄົນທີ່ແຊຣ໌ໃຫ້ເຫັນ, ສິ່ງທີ່ເຂົາຢາກເຫັນ, ແລະ ບຸກຄົນທີ່ສາມາດຕິດຕໍ່ຫາເຂົາໄດ້. ຫຼາຍຄຸນນະສົມບັດນີ້ແມ່ນຖືກເປີດໄວ້ໂດຍປົກກະຕິຢູ່ແລ້ວສຳລັບບັນຊີເດັກນ້ອຍ, ແຕ່ທ່ານຄວນເຂົ້າໄປກວດເບິ່ງການຕັ້ງຄ່າຄວາມເປັນສ່ວນໂຕ ແລະ ຄວາມປອດໄພເລື້ອຍໆ.

3.) ຕັ້ງກົດລະບຽບຂອງຄອບຄົວ

ໃຫ້ຕົກລົງລະບຽບການໃຊ້ອຸປະກອນ ແລະ ເຄື່ອງມືທີ່ໃຊ້ເຂົ້າເຖິງອິນເຕີເນັດ ແລະ ສື່ສັງຄົມອອນລາຍນຳກັນ ໃຫ້ມີການຕົກລົງກັນຢ່າງຈະແຈ້ງ ແລະ ຕັ້ງຂໍ້ລົງໂທດຫາກຜູ້ໃດລະເມີດ. ຂຶ້ນກັບອາຍຸລູກຂອງທ່ານ ທ່ານສາມາດລົມເລື່ອງຜົນສະທ້ອນທີ່ໃຫຍ່ກວ່າທີ່ອາດຈະເກີດຂຶ້ນ ( ເຊັ່ນຜົນສະທ້ອນດ້ານກົດໝາຍ ) ໃນການແຊຣ໌ເນື້ອຫາທີ່ບໍ່ໄດ້ຮັບອະນຸຍາດ.

4.) ເປັນແບບຢ່າງທີ່ດີ

ຖ້າທ່ານຕັ້ງກົດລະບຽບເຊັ່ນ “ຫ້າມຫຼິ້ນມືຖືຫຼັງ 8 ໂມງແລງ” ຫຼື “ຫ້າມມີອຸປະກອນເອເລັກໂຕຣນິກໃນຫ້ອງນອນ” ທ່ານເອງກໍຕ້ອງປະຕິບັດເຊັ່ນດຽວກັນ.

5.) ຮຽນຮູ້ຈາກລູກຂອງທ່ານເອງ

ເຕັກໂນໂລຊີ ມີການພັດທະນາເລື້ອຍໆ ແລະ ຊາວໜຸ່ມມີການຮຽນຮູ້ທີ່ກວ່າ. ຖ້າລູກຂອງທ່ານມີການໃຊ້ແອັບໃໝ່, ແນະນຳໃຫ້ຖາມລູກເຖິງວິທີການໃຊ້ແອັບນັ້ນ. ເປັນໂອກາດທີ່ຈະເຂົ້າໃຈລູກຫຼາຍຂຶ້ນ ແລະ ໂດຍສະເພາະພຶດຕິກຳຂອງເຂົາໃນໂລກອອນລາຍ ແລະ ໃຫ້ມີການໂອ້ລົມກ່ຽວກັບຄວາມປອດໄພໃນໂລກອອນລາຍ. ທ່ານເອງກໍຄວນຄົ້ນຄວ້າຕື່ມໃນດ້ານ ຄວາມເປັນສ່ວນໂຕ, ຟີເຈີ້ຄວາມປອດໄພຕື່ມ.

ທີ່ Facebook ພວກເຮົາຢຶດໝັ້ນໃນການສືບຕໍ່ ການລົງທຶນຂອງພວກເຮົາໃນຄວາມປອດໄພທາງດ້ານອອນລາຍ, ພັດທະນາຜະລິດຕະພັນ ແລະ ນະໂຍບາຍຂອງພວກເຮົາ, ແລະ ເຮັດວຽກຮ່ວມກັບຊາວໜຸ່ມ, ພໍ່ແມ່ ແລະ ຜູ້ເບິ່ງແຍງ, ຄູອາຈານ ແລະ ນັກສຶກສາ ຜູ້ວາງນະໂຍບາຍ ແລະ ເພື່ອນຮ່ວມງານໃນອຸດສະຫະກຳນີ້ ເພື່ອຊ່ວຍເຮັດໃຫ້ອິນເຕີເນັດເປັນບ່ອນທີ່ປອດໄພຂຶ້ນ ສຳລັບເດັກນ້ອຍ.

Advertisement Replay Ad
ລວມພະລັງພິກໂສມໜ້າເສດຖະກິດດິຈິຕອນລາວ! ກະຊວງເຕັກໂນໂລຊີ ແລະ ການສື່ສານລົງນາມ MOU ກັບ LICA

ລວມພະລັງພິກໂສມໜ້າເສດຖະກິດດິຈິຕອນລາວ! ກະຊວງເຕັກໂນໂລຊີ ແລະ ການສື່ສານລົງນາມ MOU ກັບ LICA

ບໍ່ຕ້ອງຕົກໃຈ Facebook,​WhatsApp, Messenger ແລະ Instagram ຫລົ້ມທົ່ວໂລກ

ບໍ່ຕ້ອງຕົກໃຈ Facebook,​WhatsApp, Messenger ແລະ Instagram ຫລົ້ມທົ່ວໂລກ

ເລື່ອງກິນໃຫ້ອຸ່ນໃຈ! ຟູດແພນດ້າ ກາຍເປັນແອັບສົ່ງອາຫານທຳອິດທີ່ໃຫ້ບໍລິການຄົບ 18 ແຂວງທົ່ວລາວ

ເລື່ອງກິນໃຫ້ອຸ່ນໃຈ! ຟູດແພນດ້າ ກາຍເປັນແອັບສົ່ງອາຫານທຳອິດທີ່ໃຫ້ບໍລິການຄົບ 18 ແຂວງທົ່ວລາວ

Codashop ເປີດຕົວຮູບໂສມໃໝ່ທີ່ໂດດເດັ່ນ

Codashop ເປີດຕົວຮູບໂສມໃໝ່ທີ່ໂດດເດັ່ນ

ໂລກ້າ ຮ່ວມມືກັບ ບີວາຍດີ ເປີດໂຕໂຄງການທົດລອງນຳໃຊ້ລົດໄຟຟ້າໃຫ້ບໍລິການແທັກຊີຢູ່ລາວ

ໂລກ້າ ຮ່ວມມືກັບ ບີວາຍດີ ເປີດໂຕໂຄງການທົດລອງນຳໃຊ້ລົດໄຟຟ້າໃຫ້ບໍລິການແທັກຊີຢູ່ລາວ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ