ວັນອາທິດ ທີ 5 ທັນວາ 2021

ນີ້ແມ່ນຄຳສັບທີ່ຄົນລາວມັກໃຊ້ ແຕ່ບໍ່ມີຄວາມໝາຍໃນພາສາລາວ ແລະ ມີຄຳອື່ນທີ່ຄວນໃຊ້ແທນ

ນີ້ແມ່ນຄຳສັບທີ່ຄົນລາວມັກໃຊ້ ແຕ່ບໍ່ມີຄວາມໝາຍໃນພາສາລາວ ແລະ ມີຄຳອື່ນທີ່ຄວນໃຊ້ແທນ
S! Muan

ສະໜັບສະໜູນເນື້ອຫາ

ການໃຊ້ພາສາໃນຍຸກປັດຈຸບັນຖືວ່າໄດ້ຮັບອິດທິພົນຈາກພາສາຕ່າງປະເທດຫຼາຍພໍສົມຄວນ ຜົນຈາກເຕັກໂນໂລຊີການສື່ສານຢ່າງອິນເຕີເນັດທີ່ເຮັດໃຫ້ເຮົາສາມາດເສບຂໍ້ມູນຂ່າວສານ ແລະ ຄວາມບັນເທີງຕ່າງໆຈາກປະເທດໃກ້ຄຽງໄດ້ສະດວກຂຶ້ນ ໂດຍສະເພາະແມ່ນພາສາໄທທີ່ມີຄວາມໃກ້ຄຽງກັບຂອງເຮົາຫຼາຍທີ່ສຸດ. ການເປີດປະເດັນມາແບບນີ້ເຮົາຂໍບອກໄວ້ກ່ອນເລີຍວ່າ ບໍ່ໄດ້ມີເຈດຕະນາທີ່ຈະຕໍ່ຕ້ານການໃຊ້ພາສາໄທແຕ່ຢ່າງໃດ ພຽງແຕ່ຈະຂໍຍົກບາງຄຳສັບທີ່ເຮົາມັກຫຼົງລືມວ່າໃນພາສາລາວຂອງເຮົາເອງກໍມີຢູ່ ແຕ່ຊໍ້າພັດມັກພາກັນໄປໃຊ້ຕາມພາສາໄທ ເຊິ່ງຄຳເຫຼົ່ານີ້ໃນພາສາລາວແມ່ນບໍ່ມີຄວາມໝາຍ ແຕ່ມີຄຳສັບອີກຄຳທີ່ຄວນໃຊ້ແທນກັນ.

ຕໍ່ໄປນີ້ແມ່ນ 3 ຄຳສັບທີ່ເຮົາມັກຫຼົງວ່າເປັນຄຳສັບໃນພາສາລາວ ແລະ ມີການນຳໃຊ້ກັນຢ່າງກວ້າງຂວາງ ທັງທີ່ຄວາມຈິງແລ້ວ ຍັງບໍ່ທັນມີການບັນຍັດໄວ້ ແລະ ບໍ່ມີຄວາມໝາຍໃນພາສາລາວ.

ແນວໂນ້ມ

ຄຳສັບນີ້ບໍ່ມີການບັນຍັດໄວ້ໃນວັດຈະນານຸກົມພາສາລາວ ເພາະວ່າໃນພາສາລາວເອງນັ້ນຄຳທີ່ມີຄວາມໝາຍດັ່ງກ່າວແມ່ນ "ທ່າອ່ຽງ". ເທື່ອໜ້າ ເມື່ອຕ້ອງການທີ່ຈະກ່າວເຖິງວ່າສິ່ງໃດສິ່ງໜຶ່ງມີໂອກາດທີ່ຈະຂ້ອນໄປທາງໃດທາງໜຶ່ງ ໃຫ້ໃຊ້ຄຳວ່າ "ທ່າອ່ຽງ" ແທນ. ຕົວຢ່າງເຊັ່ນ: ສະພາບອາກາດໂລກໃນອະນາຄົດມີທ່າອ່ຽງທີ່ຈະຮ້ອນຂຶ້ນ.

ຊ່ວງ (ໃນຄວາມໝາຍທີ່ກ່ຽວກັບເວລາ)

ຄຳນີ້ພົບເຫັນໃຊ້ກັນຢ່າງໜາຕາເລີຍໃນປັດຈຸບັນ ໂດຍຄວາມໝາຍທີ່ໃຊ້ແມ່ນກ່ຽວກັບເວລາ ເຊັ່ນ: ຊ່ວງແລງ, ຊ່ວງນີ້, ຊ່ວງເຊົ້າ ແລະ ອື່ນໆ. ແຕ່ທ່ານຮູ້ບໍ່ວ່າ ຄຳວ່າ "ຊ່ວງ" ໃນພາສາລາວ ບໍ່ມີຄວາມໝາຍທີ່ໃຊ້ກ່ຽວກັບເວລາເລີຍ. ອີງຕາມວັດຈະນານຸກົມຂອງມະຫາສິລາ ວີຣະວົງ, "ຊ່ວງ" ເປັນຄຳກິລິຍາ ໃຊ້ໃນຄວາມໝາຍວ່າ "ແຂ່ງກັນ" ເຊັ່ນ: ຊ່ວງເຮືອ, ຊ່ວງມ້າ ເປັນຕົ້ນ. ພ້ອມນີ້ກໍຍັງເປັນຄຳນາມ ໃຊ້ເປັນຊື່ຂອງເຮືອຊະນິດໜຶ່ງທີ່ໃຊ້ໃນການແຂ່ງກັນ ເອີ້ນວ່າ "ເຮືອຊ່ວງ".

ແລ້ວເຮົາຈະໃຊ້ຄຳໃດແທນ ຖ້າຢາກໃຊ້ໃນຄວາມໝາຍທີ່ບົ່ງບອກເວລາ? ໃນພາສາລາວມີຫຼາຍຄຳທີ່ສາມາດໃຊ້ບອກເວລາໄດ້ເຊັ່ນ: ຫວ່າງ, ຕອນ, ໄລຍະ, ເວລາ ຫຼື ຍາມ ເຊັ່ນ: ຕອນເຊົ້າ, ຕອນແລງ, ໄລຍະນີ້, ຍາມແລງ, ຍາມໜາວ, ຍາມແລ້ງ, ເວລາທີ່ຜ່ານມາ ແລະ ອື່ນໆ.

ລົ້ມເຫຼວ

ເປັນຫຍັງຄຳນີ້ຈຶ່ງມາປາກົດຢູ່ບ່ອນນີ້? ຕາມມາ ເຮົາຈະເລົ່າສູ່ຟັງ. ແຕ່ດົນແຕ່ນານມາແລ້ວລາວເຮົາໃຊ້ຄຳສັບ "ຫຼົມແຫຼວ" ເພື່ອອະທິບາຍຄວາມໝາຍວ່າ "ບໍ່ສຳເລັດ ຫຼື ບໍ່ມີປະສິດທິພາບທີ່ຈະດຳເນີນກິດຈະກຳໃດໜຶ່ງຕໍ່ໄປໄດ້ ຫຼື ເຮັດບໍ່ດີ/ບໍ່ດີ". ຄຳນີ້ອາດຈະບໍ່ຄຸ້ນຫູເຮົາປານໃດ ເພາະຄົນລາວເຮົາບໍ່ນິຍົມໃຊ້ ແລະ ຫັນໄປໃຊ້ຄຳດຽວກັບພາສາໄທແທນນັ້ນກໍຄື "ລົ້ມເຫຼວ" ເພາະວ່າໄດ້ຍິນເລື້ອຍ ແລະ ລຶ້ງຫູກວ່າ ທັງທີ່ຈິງແລ້ວໃນວັດຈະນານຸກົມພາສາລາວເອງກໍບໍ່ໄດ້ບັນຍັດຄຳສັບດັ່ງກ່າວໄວ້ ມີພຽງແຕ່ຄຳວ່າ "ຫຼົມແຫຼວ" ເຊິ່ງມີຄວາມໝາຍດຽວກັບຄຳໄທດັ່ງກ່າວ.

ຫຼົມແຫຼວ ເປັນຄຳປະສົມລະຫວ່າງຄຳລາວເດີມ 2 ຄຳຄື: ຫຼົມ ແລະ ແຫຼວ. ຫຼົມ ເປັນຄຳວິເສດ ໝາຍເຖິງ ບໍ່ຄັບ ບໍ່ແໜ້ນ, ສ່ວນຄຳວ່າ ແຫຼວ ເປັນຄຳວິເສດເຊັ່ນກັນ ແປວ່າ ບໍ່ແຂ້ນ, ມີນໍ້າປົນຫຼາຍ ຫຼື ຫຼົ່ມ. ທັງສອງຄຳນີ້ເມື່ອປະສົມເຂົ້າກັນແລ້ວ ມັກໃຊ້ສົມທຽບໃສ່ກັບສິ່ງທີ່ບໍ່ແໜ້ນ ບໍ່ແຂ້ນ ບໍ່ແກ່ນ ແລະ ສິ່ງທີ່ເປັນແບບນັ້ນຕາມວັດທະນະທຳຂອງເຮົາກໍຈະຕີຄວາມໄປໃນທາງທີ່ບໍ່ດີ ຫຼື ບໍ່ຄັກ ເຊິ່ງສຸດທ້າຍກໍຈະເປ່ເພ ແລະ ເພພັງລົງ ຕີເປັນຄວາມໝາຍລວມກໍຄື "ບໍ່ສຳເລັດ" ນັ້ນເອງ.

ຄຳນີ້ໃນພາກປະຕິບັດເກືອບຈະເວົ້າໄດ້ວ່າ "ຕາຍໄປແລ້ວ" ເພາະເກືອບບໍ່ພົບເຫັນໃຜນຳໃຊ້ເລີຍ. ມີວິທີດຽວທີ່ຈະເຮັດໃຫ້ມັນຟື້ນຂຶ້ນມາ ແລະ ມີຊີວິດຕໍ່ໄປໄດ້ ນັ້ນກໍຄື ຫັນມາໃຊ້ຄຳວ່າ "ຫຼົມແຫຼວ" ໃຫ້ຫຼາຍຂຶ້ນ ເພື່ອໃຫ້ລຶ້ງປາກ, ລຶ້ງຫູ ແລະ ບໍ່ເຫັນວ່າມັນເປັນຄຳທີ່ແປກ.

ນີ້ເປັນພຽງບາງສ່ວນເທົ່ານັ້ນທີ່ເຮົານຳເອົາມາສະເໜີ ຍັງບໍ່ທັນລວມເຖິງຄຳສັບທົ່ວໄປທີ່ບໍ່ໜ້າຈະໃຊ້ຜິດ ແຕ່ກໍພົບເຫັນນຳໃຊ້ກັນຢ່າງຫຼວງຫຼາຍໂດຍສະເພາະໃນວົງການໂຄສະນາຂາຍເຄື່ອງອອນລາຍເຊັ່ນ: ກາງເກງໃນ (ພາສາລາວເອີ້ນວ່າ ໂສ້ງຊ້ອນ ຫຼື ສະລິບ), ໄມ້ຈິ້ມຟັນ (ພາສາລາວໄມ້ຈິ້ມແຂ້ວ) ແລະ ຄຳສັບທີ່ເປັນຊື່ຂອງເຄື່ອງໃຊ້ໃກ້ໂຕອື່ນໆ.

ການນຳໃຊ້ພາສາຕ່າງປະເທດບໍ່ແມ່ນສິ່ງທີ່ຜິດ ຖ້າເຮົານຳໃຊ້ໄດ້ຢ່າງຖືກກາລະ ແລະ ເທສະ ບໍ່ເອົາມາປົນກັນຈົນເກີດຄວາມສັບສົນໃຫ້ກັບພາສາຂອງຕົນເອງ ແລະ ພາໃຫ້ເກີດການນຳໃຊ້ທີ່ບໍ່ຖືກຕາມຄວາມໝາຍ.

ຖ້າມີຄຳອື່ນໆອີກທີ່ກົງກັບກໍລະນີທີ່ກ່າວມາທັງໝົດ ທ່ານສາມາດຮ່ວມແບ່ງປັນສົນທະນາກັບພວກເຮົາໄດ້.

ຮູບໜ້າປົກ: https://unsplash.com/photos/s9CC2SKySJM

Advertisement Replay Ad
ອ່ານດວງລາຍວັນປະຈໍາວັນອາທິດ ທີ 4 ພະຈິກ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອາທິດ ທີ 4 ພະຈິກ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 26 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 26 ຕຸລາ 2021 ຕາມແຕ່ລະວັນເກີດ

ມອບເຄື່ອງບໍລິຈາກມູນຄ່າລວມ 30 ລ້ານກີບໃຫ້ສູນສຸຂະພາບແມ່ ແລະ ເດັກ ປະກອບສ່ວນວຽກງານຕ້ານໂຄວິດ-19

ມອບເຄື່ອງບໍລິຈາກມູນຄ່າລວມ 30 ລ້ານກີບໃຫ້ສູນສຸຂະພາບແມ່ ແລະ ເດັກ ປະກອບສ່ວນວຽກງານຕ້ານໂຄວິດ-19

ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ