ວັນອາທິດ ທີ 5 ທັນວາ 2021

ປະຫວັດຄວາມເປັນມາຂອງຖໍ້າປິວ

ປະຫວັດຄວາມເປັນມາຂອງຖໍ້າປິວ

ຖໍ້າປິວຕັ້ງຢູ່ບ້ານບວມລອງ ເມືອງຄໍາ ແຂວງຊຽງຂວາງ, ເສັ້ນທາງຈາກຕົວເມືອງໂພນສະຫວັນໄປຫາສະຖານທີ່ຖໍ້າປິວແມ່ນ ມີຄວາມສະດວກສະບາຍສາມາດເດີນທາງໂດຍການໃຊ້ຍານພາຫະນະເຂົ້າເຖິງສະຖານທີ່ໄດ້ ເຊິ່ງເມື່ອເດີນທາງໄປເຖິງສະຖານທີ່ດັ່ງກ່າວຢູ່ເບື້ອງຊາຍມືເຮົາຈະສັງເກດເຫັນຮ້ານຂາຍເຄື່ອງ ແລະ ເບື້ອງຂວາມືຈະມີບ່ອນໃຫ້ບໍລິການທູບທຽນເພື່ອນໍາໄປສາກະລະບູຊາ , ເບື້ອງໜ້າທາງເຂົ້າຈະເຫັນຮູບປັ້ນເປັນສັນຍາລັກທີ່ສະແດງເຖິງການມ້ຽນຊາກສົບຂອງຜູ້ທີ່ເສຍຊີວິດຢູ່ໃນຖໍ້າ. ນອກຈາກນັ້ນຍັງເຫັນໂຮງພະທີ່ສ້າງໃໝ່ເຊິ່ງສ້າງຂຶ້ນໃນວັນທີ 8.11.2008 , ຖັດຈາກໂຮງພະຈະມີຫ້ອງວາງສະແດງໂສກນາດຕະກໍາຖໍ້າປິວ ແລະ ທາງດ້ານໃນຈະມີຮູບພາບທີ່ສະແດງໃຫ້ຮູ້ເຖິງບັນດາເຫດການຕ່າງໆທີ່ເກີດຂຶ້ນໃນສະຖານທີ່ຖໍ້າປິວ.

ປະຫວັດຄວາມເປັນມາຂອງຖໍ້າປິວ.

ເຫດການເກີດຂື້ນປີ ຄ.ສ 1764  ອາເມຣິກາໄດ້ເອົາຍົນມາຍິງທຳລາຍເຂດປົດປ່ອຍ ຊຶ່ງຜູ້ນໍາພາການຕໍ່ສູ້ສະໄໝນັ້ນແມ່ນທ່ານ ສະໝານ ວິຍະເກດ, ການຕໍ່ສູ້ເກີດຂື້ນຢ່າງດຸເດືອດ ແລະ ຮ້າຍແຮງທາງໜ້າດິນ ແລະ ອາກາດໂດຍບໍ່ມີເວລາຫວ່າງ ເຮັດໃຫ້ປະຊາຊົນກະແຈກກະຈາຍເພື່ອລີ້ໄພຕາມພູຜາປ່າໄມ້, ຕາມຖໍ້າ ເປັນຕົ້ໜແມ່ນປະຊາຊົນບ້ານນໍ້າງື່ມ, ບ້ານບົວ ແລະ ບ້ານນໍ້າໜອງ ໄດ້ມາລີ້ໄພຢູ່ຖໍ້າປິວມີປະມານ 12 ຄອບຄົວ ແລະ ປະມານ 374 ຄົນ. ຂະນະທີ່ມາລີ້ໄພນັ້ນມີໃສ້ເສິກໄດ້ໄປບອກສັດຕູວ່າມີຄົນມາຫຼົບລີ້ໄພໃນຖໍ້າ ເຮັດໃຫ້ສັດຕູມາກວາດລ້າງຈົນເຫັນປາກຖໍ້າ, ມາຮອດວັນທີ 24/11/1968 ເວລາ 3 ໂມງແລງສັດຕູເອົາລູກສອນໄຟມາຍິງ 3 ລູກຄື: ລູກທີ1ຖືກຟາກຂວາມືຂອງຖ້ຳ, ລູກທີ 2 ຍິິງເຂົ້າຖໍ້າ ແລະລູກທີ 3 ຍິງອີກແຕ່ບໍ່ເຂົ້າໃນຖໍ້າ. ເຫດການດັ່ງກ່າວເຮັດໃຫ້ປະຊາຊົນທີ່ຢູ່ໃສຖໍ້າເສຍຊີວິດໝົດກ້ຽງ(ລະເບີດດ້ວຍສານເຄມີທີ່ຮຸນແຮງເຮັດໃຫ້ຫີນເປື່ອຍຈົນ3ວັນຈຶ່ງສາມາດເຂົ້າໃນຖໍ້າໄດ້). ຫຼັງຈາກນັ້ນບັນດາອ້າຍນ້ອງທະຫານຂອງພວກເຮົາໄດ້ພາກັນເກັບມ້ຽນຊາກສົບເປັນເວລາ 4 ວັນ ຊຶ່ງໄດ້ຂຸດຂຸມເພື່ອຝັງສົບທັງໝົດມີ 7 ຂຸມ.(ຕາມການບັນຍາຍຂອງ ລູງກອງສີ ສົມສະໜິດ ອາຍຸ 54 ປີ).

ແຕ່ບາງຂໍ້ມູນໄດ້ກ່າວວ່າ: ເລີ່ມແຕ່ປີ 1964 "ສົງຄາມເພີ່ມຍຸດທະວີທີຢູ່ລາວ" ຂອງອາເມຣິກາ ແລະ ລູກມື ຫວັງດັບມອດຂະບວນການຕໍ່ສູ້ເພື່ອສັນຕິພາບ ແລະ ເອກະລາດແຫ່ງຊາດຂອງປະຊາຊົນລາວ ໄດ້ເພີ່ມທະວີຄວາມດຸເດືອດ ແລະ ຮຸນແຮງຂື້ນເລື້ອຍໆ, ພວກເຂົາໄດ້ເປີດສາກບຸກໂຈມຕີເຂົ້າເຂດປົດປ່ອຍຂອງກໍາລັງຮັກຊາດ ດ້ວຍຫຼາຍບັ້ນຮົບໃນຂອບເຂດທົ່ວປະເທດ. ຢູ່ທີ່ແຂວງຊຽງຂວາງພວກເຂົາໄດ້ເປີດສາກຫຼາຍບັ້ນຮົບ ດ້ວຍຍຸດໂທບາຍ 3 ກ້ຽງຄື: ຂ້າກ້ຽງ, ທໍາລາຍກ້ຽງ ແລະ ດັບສູນກ້ຽງ, ແຕ່ຍຸດທະສາດບຽດຍຶດເຂດປົດປ່ອຍຂອງພວກເຂົາໄດ້ຖືກກໍາລັງຮັກຊາດ ແລະ ປະຊາຊົນເຮົາຕໍ່ສູ້ຕ້ານຄືນຢ່າງດຸເດືອດ ພິລະອາດຫານ, ສາມາດຕີຖອຍ ແລະ ເປີດກວ້າງເຂດປົດປ່ອຍຂື້ນເລື້ອຍໆ, ພາຍໃຕ້ການນໍາພາຂອງຄະນະພັກການທະຫານແຂວງຊຽງຂວາງ ໂດຍສະເພາະຂອງຄະນະພັກການທະຫານເຂດຊຽງຂວາງໂດຍມີທ່ານ ສະໝານ ວິຍະເກດ ເປັນຜູ້ບັນຊາການສູງສຸດ, ສາມາດທັບມ້າງກົນອຸບາຍບຽດຍຶດເຂດປົດປ່ອຍຂອງພວກເຂົາໃຫ້ປະລາໄຊ.

 ຍ້ອນການປະລາໄຊອັນເຈັບແສບຢູ່ໃນບັ້ນຮົບດັ່ງກ່າວ, ພວກເຂົາຈຶ່ງເພີ່ມທະວີໃຊ້ຝູງຍົນສູ້ຮົບຍິງທໍາລາຍເຜົາຜານເຂດປົດປ່ອຍຢ່າງປ່ວງບ້າ, ໃຊ້ຍົນຖິ້ມລະເບີດຢ່າງບໍ່ເລືອກເປົ້າໝາຍຕະຫຼອດຮອດເຮືອນຊານບ້ານຊ່ອງ, ໂຮງຮຽນ, ໂຮງໝໍ, ວັດວາອາຮາມ, ນັບທັງຊີວິດ ແລະ ຊັບສິນ ຂອງປະຊາຊົນຈົນນັບບໍ່ຖ້ວນ. ໃນນັ້ນ, ມີເຫດການໜື່ງທີ່ທຸກຄົນບໍ່ອາດລືມໄດ້ນັ້ນກໍຄື ໂສກອະນາດຕະກໍາຈາກການຍິງລູກສອນໄຟໃສ່ຖໍ້າປິວ, ເມືອງຄໍາ, ແຂວງຊຽງຂວາງ ຂອງກໍາລັງອາກາດສະຫະລັດອາເມຣິກາ ໃນມື້ວັນທີ 24 ພະຈິກ 1968 ມັນໄດ້ເຂັນຂ້າປະຊາຊົນອາໄສຢູ່ໃນນັ້ນ, ພວກເຂົາໄດ້ຍິງລູກສອນໄຟຈໍານວນ 3 ລູກຄື: ລູກທີ1 ຍິງບໍ່ເຂົ້າຖືກທາງດ້ານຂວາມືຂອງປາກຖໍ້າ, ລູກທີ2 ຍິງເຂົ້າໃນຖໍ້າປິວ ແລະ ໄດ້ເຮັດໃຫ້ປະຊາຊົນເສຍຊີວິດໃນພາບດຽວ 374 ຄົນໃນພຽງສ້ຽວວິນາທີ ເຊິ່ງລວມທັງໝົດມີ 12 ຄອບຄົວບໍ່ມີຜູ້ລອດຊີວິດ. ຫຼັງຈາກນັ້ນ, ພວກເຂົາກໍ່ໄດ້ຍິງເຂົ້າໄປຕື່ມອີກໜື່ງລູກແຕ່ບໍ່ໄດ້ເຂົ້າໃນຖໍ້າ, ຍັງເຫຼືອແຕ່ຜູ້ທີ່ອອກໄປຫາກິນຢູ່ທາງນອກ ແລະ ຜູ້ທີ່ໄປເປັນທະຫານຈໍານວນໜື່ງ. ຫຼັງຈາກນັ້ນ, ເພີ່ນໄດ້ໃຫ້ກອງຫຼອນມາເກັບມ້ຽນຊາກສົບຂອງຜູ້ທີ່ເສຍຊີວິດເປັນເວລາ 4​ ມື້, ເກັບມ້ຽນໃສ່ຂຸມບົ່ມໃຫຍ່ລວມທັງໝົດມີ 7 ຂຸມ ຝັງສົບໃສ່ບ່ອນດຽວກັນ.

ຮູບ: ຂຸມຝັງສົບ.

 

ມາຮອດປີ 1999 ຈື່ງຄ່ອຍບູລະນະຖໍ້າປິວຂື້ນມາ ແລະ ມາຮອດປີ 2001 ທາງສູນກາງໄດ້ຮັບຮອງເອົາຖໍ້າປິວເປັນສະຖານທີ່ທາງປະຫວັດສາດ ໂດຍແມ່ນທ່ານ ບຸນຍັງ ວໍລະຈິດ. ໃນວັນທີ 24 ພະຈິກ ຂອງທຸກໆປີ ຈຶ່ງກາຍເປັນວັນຄຽດແຄ້ນສົງຄາມຮຸກຮານ, ເປັນວັນລະນຶກ ແລະ ໄຫວ້ອາໄລເຖິງດວງວິນຍານຂອງພໍ່ແມ່ປະຊາຊົນຜູ້ບໍລິສຸດເຊິ່ງຕົກເປັນເຫຍື່ອເຄາະຮ້າຍໃນຄັ້ງນັ້ນ, ເຊິ່ງພວກເພີ່ນໄດ້ສະຫຼະຊີວິດ, ເລືອດເນື້ອ ເພື່ອເອກະລາດແຫ່ງຊາດ ເພື່ອຄວາມສົມບູນພູນສຸກຂອງພວກເຮົາໃນວັນນີ້.

ສໍາລັບເສັ້ນທາງທີ່ຈະເຂົ້າສູ່ທາງດ້ານໃນຂອງຖໍ້ານັ້ນແມ່ນບໍ່ຍາກລໍາບາກຫຼາຍເກີນໄປ , ພາຍໃນຖໍ້າມີຄວາມຊຸ່ມ , ອາກາດຂ້ອນຂ້າງຮ້ອນ , ມີກິ່ນຂິວ ແລະ ຕາມຝາຂອງຖໍ້າມີສີດໍາຍ້ອນວ່າໃນສະໄໝກ່ອນຖືກຈັກກະພັດອາເມລິກາຍິງລູກສອນໄຟເຂົ້າໄປໃນຖໍ້າເຮັດໃຫ້ຖໍ້າຖືກເຜົາໃໝ້ ແລະ ຫີນໃນຖໍ້າກໍ່ເປື່ອຍ , ຍິ່ງເຂົ້າໄປໃນຖໍ້າເລິກເທົ່າໃດກໍ່ຍິ່ງມີຄວາມມືດຫຼາຍເທົ່ານັ້ນ ແລະ ອາກາດຫາຍໃຈກໍ່ຍິ່ງມີໜ້ອຍ ,ພາຍໃນຖໍ້າມີຫີນກ້ອນໃຫຍ່ກ້ອນນ້ອຍນັບເປັນຈໍານວນຫຼວງຫຼາຍ, ພື້ນຂອງຖໍ້າເປັນຫຼຸບເປັນໂນນ, ດ້ານເທິງຂອງຖໍ້າມີສັດອາໄສຢູ່ເປັນຕົ້ນແມ່ນເຈຍທີ່ອາໄສຢູ່ເປັນຈໍານວນຫຼວງຫຼາຍ ແລະ ບ່ອນສຸດຂອງຖໍ້າມີຫີນທີ່ມີລັກສະນະສວຍງາມເປັນສີເຫຼືອງອອ່ນ ເຊິ່ງເອີ້ນກັນວ່າຫີນນໍ້າຍ້ອຍ.

ໂດຍ: ແພງພັນ ຂັນຈະເລີນ

ຮູບ:ລັກສະນະດ້ານໜ້າຂອງປາກຖໍ້າ

ຮູບ: ລັກສະນະຂອງຖໍ້າດ້ານໃນ

 

 

 

 

 

Advertisement Replay Ad
ອ່ານດວງລາຍວັນປະຈໍາວັນອາທິດ ທີ 4 ພະຈິກ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອາທິດ ທີ 4 ພະຈິກ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 26 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 26 ຕຸລາ 2021 ຕາມແຕ່ລະວັນເກີດ

ມອບເຄື່ອງບໍລິຈາກມູນຄ່າລວມ 30 ລ້ານກີບໃຫ້ສູນສຸຂະພາບແມ່ ແລະ ເດັກ ປະກອບສ່ວນວຽກງານຕ້ານໂຄວິດ-19

ມອບເຄື່ອງບໍລິຈາກມູນຄ່າລວມ 30 ລ້ານກີບໃຫ້ສູນສຸຂະພາບແມ່ ແລະ ເດັກ ປະກອບສ່ວນວຽກງານຕ້ານໂຄວິດ-19

ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ